السلام عليكم ورحمة الله وبركاتة
هذه قصه حقيقيه رواها طبيب
اثناء لقاء احد مرضاه به حيث كان هذا الشاب يتعالج عنده
يقول :سألت الدكتور وش المواقف العجيبة الي مرت عليك ..؟؟
قال قلي وش النوع الي تبيه حوادث .. امراض نفسية .. قصص ..؟ وش تبي ؟؟
قلت اعجب ما مر عليك خلال عملك بالمستشفى ..
قال الشي الي مش طبيعي ومر علي خلال 13 سنة عمل بالمستشفى
هو :
انه مرة احد المرضى شاب عمره 22 سنة جا يستشيرني بخصوص شي
اعتقدت بالبداية انه بسيط وعلاجه مرة سهل ..
هو انه حسب ما قالت لي الممرضة قبل ما يدخل انه فيه بقع خال بيده
ويبي
يستشيره بأي طريقة يشيله ...
يوم دخل علي الشاب لاحظت انه لابس قفازات وسلم علي وهو لابسهن
ويوم حاولت معه يمين شمال ابي اشوف يده وبقع الخال رفض وقال انت
استشاري وبس .........
قال الدكتور للشاب انا ما اقدر اساعدك الا اذا شفت الحاله بعيني ..
اقتنع الشاب
الشاب بصعوبة ابعد القفازات عن يديه .... قال الدكتور : شفت شي عجييييب
مكتوب ببقع الخال على يده اليمين بس اسم بنت ... فلانة بنت فلان
انا احسبه بالبداية مكتوب بخط يد او وشم لكن لما دققت فيه طلع
فعلا دم جامد او مثل ما يسمونه بقع خال ....
استغربت وسألت المريض كيف جاك هالشي هل هو من الولادة ..(
الدكتور يقول توقعت انه ولد غير شرعي او من هالقبيل واسم امه مكتوب
على يده من يوم ولد )
لكن الشاب رفض يتكلم ... ويوم حاول معه الدكتور وقاله استنتاجه انه
يمكن ( هذا اسم امه وانه ولد غير شرعي واستفزه)
عصب الشاب وبكى وقعد يقول القصة للدكتور ..
قال الشاب ودموعه تنهمر : عرفت فتاة بنفس عمري عن طريق الهاتف و
صارت بينا مكالمات على مدى 8 شهور وثقت البنت فيني وقالت لي
اسمها كامل وتعرفنا على بعض زين ...
ويوم من الأيام طلبت منها اننا نتقابل بأحد الأسواق والبنت رفضت رفض
كلي !!!
وصرت اترجاها على مدى شهر مافي فايدة البنت اصرت انه ما تقابله طفح
فيني الكيل وهددتها اني افضح اسمها لو ما قابلتني فرفضت وقالت ان
عذاب اهلها خير لها من انها تقابله ...........
وفعلت فعلتي ونشرت اسمها بين اصحابي وكتبت اسمها على احد
الجدران فلانة بنت فلان ...
بعدها بأسبوع او اسبوعين ظهرت البقع على يدي وما كانت بقع .... خط
عادي كأنه مكتوبه بخط اليد وانكتبت على يدي بالضبط نفس الخط اللي
كتبته على احد الجدران ...
وانا نادم على الي سويته وودي لو اتخلص من يدي بأي طريقة ..
الدكتور : نعم انت غلطت اليس لديك اخوات تخاف ان يفعل بهن مثل ما
فعلت انت ببنت
فلان اللي مكتوب اسمها على يدك ؟
ولم يستطع الشاب نطق كلمة واخذ يجهش بالبكاء ...
الدكتور يكلمني الآن : بعد كذا حولته على مختص الليزر والحروق (مدري
نسيت اسم اختصاصه )
واتفقو على موعد ويوم راح الأسم الي مكتوب على يد الشاب .. ارتاح
نفسياً ,,
ونام في المستشفى على احد الأسرة بعد هالتعب النفسي
لكن لما صحى بصبح ذاك اليوم رجع على يده الأسم مثل ما كان عليه
قبل لعملية ....
وحاولنا مره ثانية وثالثة تبقى بعد العملية مثل الحروق ومن بكرا ترجع مثل
ما كانت بعد العملية ...!!
قلنا له انه مافيه علاج ثاني غير المراهم وانه راح تاخذ وقت طويل الين
تختفي ..( الدكتور : حنا عارفين انه مافيه فايدة من المراهم لكن ما نبي
الشاب يتعب نفسياً ويجيه شي ).
وكل شهر يجي هالشاب يراجع ويقول ما فاد المرهم وانا اقول له الصبر
زين ..
ونصحته بأحد المرات انه يكلم البنت الي نشر اسمها ويروح يمسح الأسم
الي كتبه على الجدار ...
فعلا راح مسح الأسم الي على الجدار وكتب بدله سبحان الله وبحمده
سبحان الله العظيم ... ويوم كلم البنت بعد جهد لأنه ما كانت تبي ترد
عليه ... وقال لها القصة
والبنت لأنه ما وصل لأهلها قصة انه كانت تكلم فلان واسمه مكتوب على
احد الجدران
وانه هالشاب مسحه وكتب بداله تسبيح وتحميد الله ..
نصحته انه يتوب ويروح لمكة ويدعي له ... ويمسح اسم البنت اللي على
يده بماء زمزم خلال اسبوع او الين يروح الأسم ...
وفعلا الشاب سوى الي قالته البنت وقعد بمكة بعد كل صلاة يمسح
الأسم على يده بماء زمزم وخلال 10 ايام يقول الشاب للدكتور انه سبحان
الله .. والله
الأسم انمسح بعد صلاة الفجر من يدي
والدكتور يكمل كلامه يقول ومن ذاك اليوم ( قاطعته انا : متى
هالسالفه ؟) قال : من 4 سنوات تقريباً ..ومن ذاك اليوم وهو كل شهر
يزورني مرة وقال له انه تزوج تلك الفتاة الي حاول يفظحها بعد ما هداه
الله وله منها ولد وبنت
والله يهدي شباب وبنات المسلمين ........ ونساله الستر
مايستفاد من هذه القصه :
(( من ستر على مؤمن ستر الله عليه دنيا وآخره ))
دمتم بحفظ الرحمن ,,
منقووووول[ندعوك للتسجيل في المنتدى أو التعريف بنفسك لمعاينة هذه الصورة]
