السلام عليكم ورحمة الله وبركاته.....
انا الموضوع اللي هتكلم فيه هو موضوع عام..بس بيزيد شويتين في رمضان...
وبصراحه..
يضايق اوي
النساء اللي بتروح المسجد علشان تصلي..
طبعا حكم صلاة النساء في المسجد كالآتي::::
قال : يباح للنساء الخروج من البيوت للصلاة مع الرجال في المساجد وصلاتهن في بيوتهن خير لهن ، فقد روى مسلم في صحيحه عن النبي -صلى الله عليه وسلم- أنه قال : *( لا تمنعوا إماء الله مساجد الله )* وقال -صلى الله عليه وسلم- : *(" لا تمنعوا النساء أن يخرجن إلى المساجد وبيوتهن خير لهن )* فبقاؤهن في البيوت وصلاتهن فيها أفضل لهن من أجل التستر ، وإذا خرجت إلى المسجد للصلاة فلابد من مراعاة الآداب الشرعية .
فضيلة الشيخ صالح الفوزان
ده عن الصلاة عامة...
اما عن صلاة التراويح
أكد الشيخ مصطفى العدوى أن صلاة التراويح سنة مؤكدة ، مبينا أن صلاة المرأة في بيتها أفضل من صلاتها في المسجد مستدلا بما جاء في السنة عن النبي صلى الله عليه وسلم : ( صلاة المرأة في بيتها خير من صلاتها في المسجد ).
المشكله بقى ان النساء بتروح اكتر في رمضان علشان التراويح وكده
فين بقى المشكله
المشكله تكمن في الاطفال اللي بيخادوهم النساء معاهم
انا كتبت الموضوع ده بالذات النهارده بعد اللي شفته في صلاة التراويح النهارده
لما تكون بتصلي وتشوف الاطفال عمالة تزقك علشان تعدي وتلف حوالين مامتهم ويقعدوا يغنوا ويقعدوا يلعبوا
وحاجات كتير من ده بتحصل
بتخليك تفقد تركيزك في الصلاة
ده غير ..
لما تلاقي اطفال نايمه وواخده مكان في الصف وقاطعة الصف بتاع الصلاة وغير الاطفال اللي عندهم 3 او 4 شهور
واللي تلاقيه نام مكان ما انت هتسجد
شويه ويروح الامام مزعق في المايك ويقول يا جماعه الاطفال يا جماعه الاطفال
واللي تليفونها يرن
الموضوع انه بما انك معاكي اطفال في سن مينفعش تسيبيهم وحدهم في البيت
ما تنزليش منه
وصلي انتي لوحدك في البيت
يعني ربنا قال كده
بجد الموضوع يضايق
انا اسفه اني طولت في الكلام بس بجد الواحد بقى شايف انه يصلي في بيته علشان يعرف يركز اكتر..
