مجموعة اسئلة عليك احيانا الاجابة عليها ..ياريت اللى بدخل بجاوب

هل هزمك حزنك في يوما من الايام ؟
- لو خيروك بين حبيبك وبين أعز صديق لك من تختار ؟
- هل تعتقد أن حظك سيء ؟؟
- حكمة تؤمن بها جدا ؟
- اي الدول تتمنى ان تزورها ؟
-هل تؤيد الزواج العاطفي ام الزواج التقليدي؟ ولماذا ؟
- أيهما أهم شهادتك الجامعية او الزواج بمن تحب ؟
- هل كنت السبب في يوم من الايام بتدمير حياة شخص سواء حياته العملية او الأجتماعية أو العاطفية ؟
- هل أنت مدمن تفكير ؟
-هل ملابس الشخص الذي أمامك تؤثر في انطباعك ؟
- ما هو اقتراحك لم يبحث عن السعادة , ما اهم خطوة يجب ان يقوم بها ؟
- ما هو تقييمك لنفسك , هل قلبك طيب او نواياك احيانا تكون احتيالية ؟
- هل أنت راضي عن نفسك ؟
- ما الذي يلفت انتباهك بسرعة في الشخص لكي تعجب به؟

zitona_nora كتب:: هل هزمك حزنك في يوما من الايام ؟
اه ايام مش يوم واحد

- لو خيروك بين حبيبك وبين أعز صديق لك من تختار ؟
لو هو فعلا حبيبي وهي فعلا صاحبتي يبقى مينفعش يخيروني واختار واحد منهم

-
هل تعتقد أن حظك سيء ؟؟
لا اكيد احسن من غيري بكتيييييييييييييير

- حكمة تؤمن بها جدا ؟
هي مقوله((كما تدين تدان))

- اي الدول تتمنى ان تزورها ؟
غير مصر مش عايزه ازور

-هل تؤيد الزواج العاطفي ام الزواج التقليدي؟ ولماذا ؟

العاطفي .....لانه بتكون قدرت تفهم صفات وطباع الطرف الاخر وازاي تتعامل معاه
- أيهما أهم شهادتك الجامعية او الزواج بمن تحب ؟

ههههههههههههههههههههههههههههههههه

سؤال صعب بجد
بس صدقيني لو بيحبني هيساعدني اني اوصل لشهادتي الجامعيه بتقدير عالي

- هل كنت السبب في يوم من الايام بتدمير حياة شخص سواء حياته العملية او الأجتماعية أو العاطفية ؟
مش قادره اقولك هو قد ايه صعب. بس كنت سبب في فشل موضوع كان قرب يبتدي
وبجد مش قادره اسامح نفسي

- هل أنت مدمن تفكير ؟

جدااااااااااا
-هل ملابس الشخص الذي أمامك تؤثر في انطباعك ؟
احيانا
بس تعرفي اتعلمت درس كبير اوي انها مش لازم ابني عليها كل انطباعاتي

- ما هو اقتراحك لم يبحث عن السعادة , ما اهم خطوة يجب ان يقوم بها ؟
يفهم نفسه صح
ويقرب من ربنا

- ما هو تقييمك لنفسك , هل قلبك طيب او نواياك احيانا تكون احتيالية ؟
تقييمي لنفسي هخليه ليكي

- هل أنت راضي عن نفسك ؟
الحمدلله وبحاول احسن من شخصيتي اكتر واكتر

- ما الذي يلفت انتباهك بسرعة في الشخص لكي تعجب به؟
اسلوبه في الكلام وخفة دمه واحساسه

موضوع راااااااااااااائع

تسلم الايادي

ميرسى يا دودو ع اجاباتك الصريحة دى وانا بشكرك بجد لانك بجد

اجاباتك تحفة وباينة فيها الصراحة خااااااالص

انما عن تقيمى ليكى فانا اقولك يا قمرى بس واللهى دة بجد مش علشان انت قولتى كدا

انا شايفة انك جد بتحسى بلانسان اللى قدامك كويس اوووووووى

وبجد رقيق اووى

وزوقك جميل اوووى

وبجد تعرفى تخرجى الانسان من المحنة اللى فية حتى لو كتى انتى ف محنة

فاكرة ولا .....

واهم حاجة

انك بتعرفىتفرقى بين وقت والتانى وبتخرجى نفسك

من مشاكك بسرعة

بجد يا دينا انا صادفة معاكى ف الكلام دة لان دة بجد انتى فعلااا

ومش محتاجة انى ازين كلام

احنامتفقين ع الصراح

يارب تقيمى يعجبك

هل هزمك حزنك في يوما من الايام ؟
اه كتير اوى
- لو خيروك بين حبيبك وبين أعز صديق لك من تختار ؟
لامينفعش يخيرونى لان بجد كل واحد عنده مكانه خاصة فى قلبى
- هل تعتقد أن حظك سيء ؟؟
لا الحمد لله ربنا بيكرمنى
- حكمة تؤمن بها جدا ؟
ان لم يكن لك راى ستكون ضحيه لاى راى
- اي الدول تتمنى ان تزورها ؟
تركيـــا (علشان انا بموت فى المسلسلات التركيه والاتراك)
-هل تؤيد الزواج العاطفي ام الزواج التقليدي؟ ولماذا ؟
العاطفى .... لاننا بنفدر نفهم بعض ونخاف على بعض بجد والزواج العاطفى ناجح بنسبه80%
- أيهما أهم شهادتك الجامعية او الزواج بمن تحب ؟
لا الاهم شهادتى والزواج اكيد عيبقى بعد الشهادة وملهاش لازمة التسرع واكيد لو حبيبى بيحبنى هيقف جنبى ويساعدنى وهو اللى هيحمسنى
- هل كنت السبب في يوم من الايام بتدمير حياة شخص سواء حياته العملية او الأجتماعية أو العاطفية ؟
اه بجد انا كنت السبب فى فشل حياه عاطفيه بس من غير مااقصد ومكنش فى بالى ان الحياه تفشل
- هل أنت مدمن تفكير ؟
اه تقريبا بفكر فى كل وقت
-هل ملابس الشخص الذي أمامك تؤثر في انطباعك ؟
اكيد وكمان بملابس الشخص اللى قدامى بقدر اعرف شخصيته
- ما هو اقتراحك لم يبحث عن السعادة , ما اهم خطوة يجب ان يقوم بها ؟
اول حاجة رضا ربنا وان ترضى اسرتك وكل من حولك وتقريبا هيبقى من السهل تلقى السعادة وطبعا ان تحسن شخصيتك واسلوبك مع الناس
- ما هو تقييمك لنفسك , هل قلبك طيب او نواياك احيانا تكون احتيالية ؟
مش عارفة الحاجة دى بخليها للناس اللى بتشوفنى والناس اللى تعرفنى كويس
- هل أنت راضي عن نفسك ؟
الحمد لله راضيه عن نفسى ومش مترددة ابدا
- ما الذي يلفت انتباهك بسرعة في الشخص لكي تعجب به؟
اللى بيلفت انتباهى فى الشخص اسلوبه فى الكلام والهزار بس الاكتر هو تعامله مع الناس وطريقة كلامه وتعابير وجهه

وميرسى ياقلبى على الموضوع بجد جميل جدا تسلم ايدك

هل هزمك حزنك في يوما من الايام ؟
اكيد طبعا
- لو خيروك بين حبيبك وبين أعز صديق لك من تختار ؟
اختيار صعب جدا ومقدرش ارد بصراحه غير لما اتعرض للموقف دة ويارب ما يحص مع حد بس متهيالى ممكن اختار الصديق
- هل تعتقد أن حظك سيء ؟؟
اكيد لا وحتى لو كان كدة فى ناس حظها اسوا فبالتالى هيكون حظى حلو والقناعة كنز لايفنى
- حكمة تؤمن بها جدا ؟
افعل ما شئت فكما تدين تدان
- اي الدول تتمنى ان تزورها ؟
السعوديه عشان احج ربنا يكتبها لنا كلنا
-هل تؤيد الزواج العاطفي ام الزواج التقليدي؟ ولماذا ؟
اكيد الزواج العاطفى لان الطرفين هيتحملو بعض لان فى بينهم حب
- أيهما أهم شهادتك الجامعية او الزواج بمن تحب ؟
سؤال صعب بس اكيد زى ما قالت دينا لو الشخص دا بيحبنى عمرة ماهيخيرنى بين الاتنين
- هل كنت السبب في يوم من الايام بتدمير حياة شخص سواء حياته العملية او الأجتماعية أو

العاطفية ؟

لا بصراحه او ممكن وانا معرفش ويارب ما اعرف
- هل أنت مدمن تفكير ؟
ممكن اه وبالذات قبل ما انام
-هل ملابس الشخص الذي أمامك تؤثر في انطباعك ؟
احيانا بس الاسلوب اكتر بكتير
- ما هو اقتراحك لم يبحث عن السعادة , ما اهم خطوة يجب ان يقوم بها ؟
اقوله ان السعادة الحقيقيه فلى القرب من ربنا
-
ما هو تقييمك لنفسك , هل قلبك طيب او نواياك احيانا تكون احتيالية ؟

دا سؤال اجابته متبقاش منى
ممكن انتو تجاوبو عليه
-
هل أنت راضي عن نفسك ؟
يعنى الى حد ما وبحاول وربنا يقدرنى

- ما الذي يلفت انتباهك بسرعة في الشخص لكي تعجب به؟
ابتسامته وخفه دمه وحبه لغيره

ميرسى ياقمر بجد ع التوبيك الجميل دة

ميرسى ليكى يا يميم انتى ودودو ع الصراحة الجميلة دى

تسلم اديكوا يا جميل

طبعا يا قمر عجبني تقيمك وتسلميلي يارب انتي اللي ذوق وعسل وزي القمر

zitona_nora كتب:: هل هزمك حزنك في يوما من الايام ؟
اه حزنى هزمنى قبل كده وندمت جدا على الهزيمة دى لانها مش كانت فى محلها خالص
- لو خيروك بين حبيبك وبين أعز صديق لك من تختار ؟
هاختار حبيبى
- هل تعتقد أن حظك سيء ؟؟
ولو انى مش بعتقد فى موضوع الحظ ده بس مش اعتقد خالص انى حظى سئ بالعكس حاسة انى محظوظة جدا
- حكمة تؤمن بها جدا ؟
افعل ما شئت كما تدين تدان
- اي الدول تتمنى ان تزورها ؟
بتمنى ازور دبى ، ماليزيا ، باريس
-هل تؤيد الزواج العاطفي ام الزواج التقليدي؟ ولماذا ؟
انا افضل الزواج العاطفى
يمكن علشان انا جربت الحب واللى جرب الحب استحالة انه يفكر يبعد عنه
- أيهما أهم شهادتك الجامعية او الزواج بمن تحب ؟
هما الاتنين اهم من بعض
بس اعتقد انى الشهادة الاول وبعدين الزواج

- هل كنت السبب في يوم من الايام بتدمير حياة شخص سواء حياته العملية او الأجتماعية أو العاطفية ؟
مش عارفة بجد بس بتمنى انه يكون لا
لانى لو كنت السبب فى تدمير حد اكيد مش هاسامح نفسى ابداااا
- هل أنت مدمن تفكير ؟
كتيييييييييييييييييييييييييييييييييير
التفكير مش بيفارقنى فى اى حاجة
-هل ملابس الشخص الذي أمامك تؤثر في انطباعك ؟
لا لانى غالبا واحيانا دائما المظاهر خادعة

ما هو اقتراحك لم يبحث عن السعادة , ما اهم خطوة يجب ان يقوم بها؟
انه يتصالح مع نفسه الاول
- ما هو تقييمك لنفسك , هل قلبك طيب او نواياك احيانا تكون احتيالية ؟
مش عارفة بس مافيش حد بيعرف يقيم نفسه
بس انا عمرى ما فضلت الطرق الاحتيالية دى
- هل أنت راضي عن نفسك ؟
الحمد لله راضية عن نفسى
- ما الذي يلفت انتباهك بسرعة في الشخص لكي تعجب به؟
عقله وطيبته وطريقة تفكيره اكيييييييييييييد

ميرسى ليكى يا بوسى ع ردك وصراحتك دى يا قمر

ودى عادتك ف الردودو اصلا يا جميل

وانا بشكرك وبشكر كل البنات ع

صراحتهم الجميلة دى

هل هزمك حزنك في يوم من الايام
لا الحمد لله انا بعرف اتغلب علي حزني
لو خيروك بين حبيبك واعز صديق
هختار حبيبي اصل انا مش ناويه احب الا اللي انا ارطبت بيه
هل تعتقد ان حظك سيء
لا الحمد الله ربنا مسهلها مهايا الحمدلله
حكمه تؤمن بها جدا
لن يصيبنا الا ما كتب الله لنا
اي الدول تتمني ان تزورها
السعوديه علشان احج
هل تريد الزواج العاطفي ام التقليدي
التقليدي لان العاطفي ممكن ميدمش بعد الجواز
ايهما اهم الشهاده الجامعيه ام الزواج بمن تحب
الزواج بمن احب لاني مش غاويه تعليم اوي
هل كنت في يوم السبب في تدمير حياة شخص
لا الحمد لله عمري ما كنت كدا
هل انت مدمن تفكير
دا انا التفكير كله دا الفكير ده مش بيفارقني
هل ملابس النسان الذي امامك تؤثر في انطباعك
لا لا الانسان مش بالمظاهر
ما هو اقتراحك لمن يبحث عن السعاده
انه يصلح علاقته مع ربنا ونفسه ويحب الخير للناس

ما هو تقييمك لنفسك
الحمد لله الناس بتقولي ان قلبي طيب وانا شايفه نفسي كدا
هل انت راضي عن نفسك
لا حاسه اني عاوزه اصلح فيها شويه
ما الذي يلفت انتباهك في الشخص الذي امامك
الكلام بتمكن وعقليه

ميرسى يا سوزى ع صراحتك وردك الجميل دة

احلى حاجة الصراحة دى

هل هزمك حزنك في يوما من الايام ؟

احيانا

- لو خيروك بين حبيبك وبين أعز صديق لك من تختار ؟

هختار حبيبي

- هل تعتقد أن حظك سيء ؟؟

اكيد حظى احسن من ناس كتيرررررررررر

- حكمة تؤمن بها جدا ؟

افعل ما شئت فكما تدين تدان

- اي الدول تتمنى ان تزورها ؟

اتمنى ان ازور تركيا

-هل تؤيد الزواج العاطفي ام الزواج التقليدي؟ ولماذا ؟

الزواج العاطفى طبعا
لانى بحب ومقدرش اتجوز حد غير حبيبي

- أيهما أهم شهادتك الجامعية او الزواج بمن تحب ؟

الزواج بمن احب لانى اخدت شهداتى الجامعية خلاص
ههههههههههههههههههههههههههههههههههههههههه

- هل كنت السبب في يوم من الايام بتدمير حياة شخص سواء حياته العملية او الأجتماعية أو العاطفية ؟

الحمد لله لا

- هل أنت مدمن تفكير ؟

جدا
لدرجة انى كتير بعد افكر ازاى ابطل تفكير

-هل ملابس الشخص الذي أمامك تؤثر في انطباعك ؟

احيانا
وبردو الانسان مش بمظهرو

- ما هو اقتراحك لم يبحث عن السعادة , ما اهم خطوة يجب ان يقوم بها ؟

ان يتقى الله ليجعل له مخرج

- ما هو تقييمك لنفسك , هل قلبك طيب او نواياك احيانا تكون احتيالية ؟

تقيمى لنفسي دة بناء عن رائ الناس فيا وناس كتير بتقولى ان قلبى طيب ومحبوبة الحمد لله

- هل أنت راضي عن نفسك ؟

الحمد لله

- ما الذي يلفت انتباهك بسرعة في الشخص لكي تعجب به؟

طريقة الكلام والتعامل مع المحيطين به

ميرسي يا قمر على الاسئلة الجميلة دى

ميرسى يا قمرة ع صراحتك الجميلة دى

هل هزمك حزنك في يوما من الايام ؟
لا وان شاء الله ميحصلش
- لو خيروك بين حبيبك وبين أعز صديق لك من تختار ؟
بجد مش عارف بس اكيد هحاول يبقى معايا الاتنين
- هل تعتقد أن حظك سيء ؟؟
لا بالعكس انا حظى كويس الحمد لله
- حكمة تؤمن بها جدا ؟
لا تقف كثيراَ عند أخطاء ماضيك
- اي الدول تتمنى ان تزورها ؟
إيطاليا
-هل تؤيد الزواج العاطفي ام الزواج التقليدي؟ ولماذا ؟
الزواج العاطفى عشان الحب بيخليهم عايشين ف سعادة على طول
- أيهما أهم شهادتك الجامعية او الزواج بمن تحب ؟
الزواج بمن احب طبعا عشان الشهادة دلوقتى ملهاش اى لازمة
- هل كنت السبب في يوم من الايام بتدمير حياة شخص سواء حياته العملية او الأجتماعية أو العاطفية ؟
اه بس مكانش فيه طريقة غير كده ولو رجع الزمن تانى وبقيت ف الموقف ده هعمل نفس الحاجه اللى عملتها قبل كده
- هل أنت مدمن تفكير ؟
لا بس انا مش بحب اعمل حاجه من غير ما افكر فيها
-هل ملابس الشخص الذي أمامك تؤثر في انطباعك ؟
لا طبعا
- ما هو اقتراحك لم يبحث عن السعادة , ما اهم خطوة يجب ان يقوم بها ؟
يدور على الحب
- ما هو تقييمك لنفسك , هل قلبك طيب او نواياك احيانا تكون احتيالية ؟
بجد معرفش بس دايما الناس بتشوف الانسان غير ماهو بيبقى شايف نفسه
- هل أنت راضي عن نفسك ؟
الحمد لله طبعا بس اكيد عايز ابقى احسن ف كل حاجه
- ما الذي يلفت انتباهك بسرعة في الشخص لكي تعجب به؟
الذكاء والهزار والشخصية

وشكرا على الموضوع الجميل

هل هزمك حزنك في يوما من الايام ؟
مع الاسف
- لو خيروك بين حبيبك وبين أعز صديق لك من تختار ؟
علي حسب الموقف
- هل تعتقد أن حظك سيء ؟؟
لا أؤمن بالحظ
- حكمة تؤمن بها جدا ؟
قمة السعاده برضي الانسان عن نفسه
- اي الدول تتمنى ان تزورها ؟
اليابان ههههه
-هل تؤيد الزواج العاطفي ام الزواج التقليدي؟ ولماذا ؟
اكيد العاطفي انا مش ممكن اوافق علي اني اتجوز حد معرفهوش
- أيهما أهم شهادتك الجامعية او الزواج بمن تحب ؟
من غير ما حد يزعل ...الشهاده الجامعيه
- هل كنت السبب في يوم من الايام بتدمير حياة شخص سواء حياته العملية او الأجتماعية أو العاطفية ؟
لأ الحمد لله
- هل أنت مدمن تفكير ؟
مع الاسف
-هل ملابس الشخص الذي أمامك تؤثر في انطباعك ؟
احيانا
- ما هو اقتراحك لم يبحث عن السعادة , ما اهم خطوة يجب ان يقوم بها ؟
الرضي والتقرب من الله
- ما هو تقييمك لنفسك , هل قلبك طيب او نواياك احيانا تكون احتيالية ؟
اللي يعرفوني بيقولوا ان قلبي طيب
ماشكر في نفسه غير ابليس ههههههه
- هل أنت راضي عن نفسك ؟
الحمد لله
- ما الذي يلفت انتباهك بسرعة في الشخص لكي تعجب به؟
ذكائه ولبقته
شكرا يا قمر علي الموضوع الجميل

ميرسى يا هبة انتى وميوزك ع اجابتكم الجميلة دى وبجد اجابات كلها جميلة جدااا

» قد نكابر احيانا كالجبل ولكن...
» سؤال محير واريد الاجابة عليه ..
» اسئلة ستريحك!!
» اغبى خمس اسئلة
» كلمة اللى جرحك