هدوءً ايهـا السـاده حضـور الحفـل والسهـرهمساء الخير على الصاحي واشوف الناس مخموره |
انا اسف على الازعاج ولكـن طـارت السكـرهذكرت اني قبل ساعات اصيـل وعزوتـي نـوره |
علـى فكـره الكرفتـه عجـزت افكهـا عسـرهابـي واحـد ينزلهـا او اي وحـده ومشـكـوره |
وابي ثوبي جيبولي ثوبي الأشهـب مـع الغتـرهقبـل والله لأطربقهـا علـى هالحفـل بحضـوره |
ولا واحـد يتكلـم قـبـل مااخـلـص النـشـرهومن يحكي قسـم بالله لأدوس برجلـي حنجـوره |
تراهـا قفـلـت يـاسـادة بــلادي وياسـتـرهوهـي مادامهـا خربـت بقـول الليلـه الثـوره |
انا بحكـي مـن اول يـوم جيـت لدنيـةً قـذرهوتكـرم عـن قذارتهـا بيـوت الله ومعـمـوره |
انا مولود فـي ليلـة شتـاء مـع بردهـا مطـرهفي خيمه وسط صحراء مابها سستـر ودكتـوره |
انا ياحضرة الساده غريب وضـاع مـن صغـرهلعن جـدي زمانـي بيـن مدهـوره ومهجـوره |
حملـت مـن الشقـا مالايطـاق وجايكـم ذكـرهولاني عاجز اتحمـل وامـوت بنفـس مقهـوره |
وانا ادري يذبح الرجال كثر الصبـر فـي قهـرهوعن قهر الرجال المصطفـى حـذر ومذكـوره |
وهم قالوا مفاتيـح الفـرج للحـي فـي صبـرهوانا اشوف الصبر مفتـاح ضـاع وزاد طابـوره |
تعبـت الملـم ايامـي بيديـن الهـم والحـسـرهتعبت المـع البـرواز وامسـح غبـرة الصـوره |
تعبت ابوس كف الجوع وخشم الفقر طال عمـرهتعبت اكذب على الحاجه واقول الحـال ميسـوره |
تعبت احمس من القهوه واحـط السمـن والتمـرهتعبـت ودلتـي وحـده وكـل شـوي منـثـوره |
احسب العز بالدلـه وبيـت النـذل بهـا عشـرهدلالـه اكثـره ملعـون ومليـانـه ومسـطـوره |
انا بحكـم البـداوه انـزرع فـي داخلـي بـذرهعن علوم المراجل الـف بـذره فينـي مبـذوره |
تربينـا علـى الديـن ونطيـع الله مـع شـكـرهتعلمنـا نصلـي ونحفـظ القـرأن وكـل سـوره |
تعلمنـا نحـب الضيـف وفينـا الكـرم فـطـرهتعلمـنـا نـقـول الـصـدق لا لـفـه ولادوره |
تعلمنا نحلـب النـوق ونعـرف وشهـي البكـرهتعلمنـا الضمـى وحنـا بيديـن البيـر محفـوره |
تعلمنـا وكثيـر الـلـي تعلمـنـاه وش كـثـرهاخـذنـا درس بالدنـيـا بلادفـتـر وسـبـوره |
وانتـم ياسكـارى الحفـل عفـواً ايهـا الزمـرهمنو فيكم عرف قهـر الزمـان وظلمـه وجـوره |
منو فيكم وطـاه الجـوع وذلـه وصفقـه فقـرهمنو فيكم عـرف يحتـاج لللقمـه ونشـف زوره |
منو فيكـم مـن الضيقـه حفـر بأصابعـه قبـرهمنو فيكـم رقـد ليلـه وسـط اجسـاد مقبـوره |
منو فيكم مشـى حافـي برمضـاً كنهـا الجمـرهمنو فيكم سهـر بليـل الظـلام بـدون ابجـوره |
منو فيكم ماطـاح الفيـن مـره وسلمـت الجـرهوانا من قبل اطيـح وجرتـي بيدينـي مكسـوره |
لكم المـأ والوجـه الحسـن والمـال والخضـرهولنا حنا الضمى والجوع وفقـر وشيفـة عـوره |
ولامره حظي ضحـك بوجهـي واشكـره مـرهوغيري مبتسـم حظـه وكـل ايامـه مسـروره |
كتبت الشعر من صغري وبيوتـي مابهـا كسـرهوانتـم تبـرزون اللـي كتـب بيتيـن مكسـوره |
انـا ياحضـرة السـاده فقيـرً مااغتنـم شـعـرهمدام المومس اللي تشـري الاشعـاار مشهـوره |
وانا ياحضرة الساده هينـا الليلـه وعلـى فكـرهترا هالبدله مسروقه ورجلي بجزمـه محشـوره |
ولكن قلت ابحضر هالحفـل والعمـر ابختصـرهوابي ابدع معاكم وسط ليلـة انـس ومحضـوره |
واذا كانـت رجولتكـم بكاسـة ثلـج والخـمـرهانا بشرب بدون الكـاس وثلجـه الـف قـاروره |
ابويـه قـال لـي مـره دسـم شاربـك بالغبـرهمايدري بالشنب محلـوق وجابـر فاقـد شعـوره |
انـا بمشـي مـدام الليـل ودع وابتـداء فجـرهبروح ارد هالبدلـه علـى هالمعـلاق مـزروره |
وانا ادري ياحضورالحفـل انـي بسجـن بكـرهمدام الليله جبت العيـد بهـذا الحفـل وحضـوره |
